Dünyada ən çox istifadə edilən ani mesajlaşma proqramlarından biri olan Telegram-ın qurucusu Pavel Durov Telegram-ın 950 milyon aktiv istifadəçiyə çatdığını və bu il 1 milyard həddini keçməyi hədəflədiklərini açıqlayıb. Durov bildirib ki, şirkət həmçinin bu ay web3 səhifələrini dəstəkləyən proqramlar mağazası və proqramdaxili brauzeri işə salmağı planlaşdırır.
BBN.az xəbər verir ki, bu il Telegram Toncoin paylayaraq kanal sahibləri ilə reklam gəlirlərini bölüşməyə başladı. Bu ayın əvvəlində Telegram kanal sahiblərinə reklam almaq və ya endirimli qiymətlərlə kriptovalyuta ticarəti etmək üçün ulduzları Tonkoinə çevirməyə icazə verməyə başladı.