Çində video paylaşma saytı Douyin və onun beynəlxalq versiyası TikTok-un yaradıcısı və rəhbəri Cang Yiming Çinin ən varlı adamı olub.
BBN.az bu barədə Bloomberg Türkiyə istinadən xəbər verir.
2012-ci ildə qurduğu ana şirkət olan ByteDance daxilində hər iki məşhur tətbiqi inkişaf etdirən 41 yaşlı Cang ilk dəfə 49,3 milyard dollar sərvəti ilə siyahıda birinci yer tutub.
ABŞ Konqresinin “ByteDance”in Çin hökuməti ilə əlaqələrini əsas gətirərək “TikTok”u transfer etmək və ya qadağan etmək qərarına baxmayaraq, dünya üzrə 200 milyona yaxın istifadəçisi olan şirkətin qlobal gəlirləri son bir ildə 30 faiz artıb.
2021-ci ildə şirkətin idarəçiliyini təhvil verməsinə baxmayaraq hələ də əhəmiyyətli bir paya sahib olan Canqın şəxsi sərvəti də son bir ildə 43 faiz artıb.