Tesla-nın qlobal işdən çıxarma planına avtomobil istehsalçısının iki ən böyük bazarı olan ABŞ və Çindəki satış, texnologiya və mühəndislik bölmələri daxil olacaq.
BBN.az bu baradə Bloomberg Türkiyə’yə istinadən xəbər verir.
Tesla-nın CEO-su Elon Musk bazar ertəsi günü Reuters tərəfindən görülən daxili memorandumda işçilərinə bildirib ki, şirkət satışların azalması və elektrikli avtomobillər üçün güclənən qiymət müharibəsi ilə mübarizə apardığı üçün qlobal işçi qüvvəsinin 10 faizindən çoxunu ixtisar edir.
Mənbələrdən biri ixtisarların ABŞ-da yerləşən bir çox xidmət mərkəzlərində, ilk növbədə satış işçiləri və texniki işçilər arasında dərhal qüvvəyə mindiyini söylədi. O, həmçinin başqa yerdəki bütün ictimai məkan işçilərinin ixtisar edildiyini söylədi.
Digər iki mənbə Tesla-nın Çin satış qrupunun üzvlərinin işdən çıxarılmaları barədə məlumatlandırıldığını və 10 faizdən çoxunun işini itirdiyini iddia etdi.
Bazar dəyəri baxımından dünyanın ən böyük avtomobil istehsalçısı olan Tesla-nın illik hesabatına görə, 2023-cü ilin dekabr ayı etibarilə dünya üzrə 140 min 473 işçisi var. Digər tərəfdən, şirkətin təxminən 15 min işçisini işdən çıxarması gözlənilir.