Milli Məclisin İqtisadi siyasət, sənaye və sahibkarlıq komitəsinin sədri Azər Əmiraslanov bildirib ki, 2026-cı il dövlət büdcəsi zərfinə daxil edilən Vergi Məcəlləsi və 16 qanuna təklif olunan dəyişikliklər ölkə iqtisadiyyatında dayanıqlı inkişafın dəstəklənməsini hədəfləyir.
Onun sözlərinə görə, nəzərdə tutulan yeniliklər biznes və vətəndaşlar üçün əlavə vergi yükü yaratmır, qeyri-sabitliyə səbəb olmur və biznes planlaşdırmasını çətinləşdirmir. Əksinə, yeni sahələr üzrə vergi təşviqləri hesabına vergi bazasının genişləndirilməsi nəzərdə tutulur.
Qanun layihəsi kölgə iqtisadiyyatı ilə mübarizənin gücləndirilməsi, daxili bazarın qorunması, idxaldan asılılığın azaldılması, strateji sahələrə investisiya təşviqi və vergi inzibatçılığının təkmilləşdirilməsi kimi istiqamətləri əhatə edir.
Deputat qeyd edib ki, dəyişikliklər iqtisadi fəallığın artırılmasına, şəffaflığın yüksəldilməsinə və daxili istehsalın ixrac potensialının genişlənməsinə töhfə verəcək.