Bu ilin yanvar ayında Azərbaycanın icmal büdcəsinin gəlirləri 4 milyard 411,9 milyon manat, xərcləri isə 1 milyard 717,5 milyon manat təşkil edib.
BBN.az xəbər verir ki, bu barədə Maliyyə Nazirliyi məlumat yayıb.
Nəticədə ötən ay icmal büdcədə 2 milyard 694,4 milyon manat həcmində profisit yaranıb ki, bu da ÜDM-in 29,7 %-nə bərabərdir.
Xatırladaq ki, icmal büdcəyə dövlət büdcəsi ilə yanaşı, Azərbaycan Respublikası Dövlət Neft Fondunun, Dövlət Sosial Müdafiə Fondunun, İşsizlikdən Sığorta Fondunun, İcbari Tibbi Sığorta Fondunun və Naxçıvan Muxtar Respublikasının büdcələri daxildir.
Yanvar ayında Azərbaycanda 9 milyard 78,7 milyon manat həcmində ümumi daxili məhsul (ÜDM) istehsal olunub.