Bankın maliyyə hesabatına istinadən verilən məlumata görə, bu göstərici 2024-cü illə müqayisədə 19,4 % azdır.
Hesabat dövründə Bankın gəlirləri 81,705 milyon manat təşkil edib ki, bu da əvvəlki ilə nisbətən 13,4 % artım deməkdir. Xərclər 60,265 milyon manata çatıb (15,2 % artım).
Xüsusi ehtiyatlara ayırmalar 9,704 milyon manat olub ki, bu da 2,8 dəfə artım deməkdir. Bankın mənfəət vergisi üzrə ödənişləri isə 1,762 milyon manat təşkil edib (54,7 % azalma).
2026-cı il yanvarın 1-nə Bankın aktivləri 792,728 milyon manata çatıb. Bu göstərici son bir ildə 8,5 % artıb. Aktivlərin 435,768 milyon manatı müştərilərə verilmiş xalis kreditlərin payına düşür. İl ərzində Bankın kredit portfeli 50,4 % böyüyüb.
Hesabat dövründə öhdəliklər 7,9 % artaraq 669,155 milyon manat, depozit portfeli isə 1,3 % azalaraq 527,743 milyon manat təşkil edib. Bankın balans kapitalı 12,4 % artaraq 123,573 milyon manata yüksəlib.
Qeyd edək ki, Yapı Kredi Bank Azərbaycan 1998-ci ildə yaradılıb və 2007-ci ildə rebrendinq edilib. Bankın nizamnamə kapitalı 55,381 milyon manatdır. Səhmlərin 99,8 %-i Türkiyənin Yapı Kredi Bankına, 0,01 %-i “Yapı Kredi Yatırım Menkul Değerler”, 0,01 %-i isə “Yapı Kredi Finansal Kiralama” şirkətlərinə məxsusdur.