Yaşıl Kart sisteminə üzv ölkələrə səfər etmək istəyən vətəndaşlar üçün müvafiq sığorta xidmətini təqdim edən şirkətlərin siyahısı açıqlanıb.
Bu barədə “İcbari Sığorta Bürosu” Hüquqi Şəxslərin İttifaqı (İSB) məlumat yayıb.
Məlumata görə, Yaşıl Kart sistemi üzrə xidmət göstərən sığorta şirkətləri “Atəşgah” Sığorta Şirkəti ASC, “Azərbaycan Sənaye Sığorta” ASC, “Meqa Sığorta” ASC, “Paşa Sığorta” ASC, “Qala Sığorta” ASC və “Xalq Sığorta” ASC-dir.
Qeyd edək ki, İSB Yaşıl Kart sistemi üzrə əlaqələndirici və ixtisaslaşmış təşkilat kimi fəaliyyət göstərir və Beynəlxalq Yaşıl Kart Sistemində Azərbaycanı təmsil edir.