![](https://bbn.az/wp-content/uploads/2024/05/Azerbaycan_Kredi_karti_570x90.png)
Azərbaycan Banklar Assosiasiyası (ABA) bank əməkdaşlarının peşəkarlıq səviyyəsinin yüksəldilməsi, bilik və bacarıqlarının daim inkişaf etdirilməsi üçün yerli və xarici təşkilatlarla müxtəlif təlim proqramları və layihələr həyata keçirir.
Bu cür tədbirlərin davamı olaraq, “Innowise group” tərəfindən 13 fevral 2024-cü il tarixində ABA-nın nəzdində fəaliyyət göstərən “IT və IT təhlükəsizlik üzrə Ekspert Qrupu” üzvləri üçün “Обзор ежегодного исследования DORA – State of Devops” mövzusunda vebinar keçirilmişdir.
Vebinarın spikeri, “Innowise group”-un Çatdırılma Meneceri Aleksandr Nemtsov təqdimatla çıxış etmişdir.
Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda, 23 bank və 6 qeyri-bank kredit təşkilatı ABA-nın üzvüdür.