Təsəvvür edin ki, bir il öncəyə qayıtmısınız və həmin zaman Bitcoin-in qiyməti 50.000 dollar ətrafında cərəyan edir. İdman buraxılışlarını kripto reklamları olmadan izləyə bilmirsiniz, bir çox insanlar məhz bu sektordan varlanıb. Ancaq 2022-ci ildə baş verən iqtisadi proseslər kripto bazara təsir etdi və gözlənilməz nəticələr müşahidə etdik. Ona görə də proqnozlar hər zaman özünü doğrultmaya bilər. Aşağıda isə sektor ilə bağlı insanların 2023-cü ilə aid proqnozlarını bölüşürük. Proqnozlar fintechnews.org-dan əldə edilib.
- Kripto bazarı qanunla tənzimlənə bilər
“2023, nəhayət ki, kripto bazarının qanunlarla tənzimlənməsi üçün bir il ola bilər”. Bu haqda “Unchained” podkastının yaradıcısı Laura Shin deyib.
- Web3 platformaları inkişaf etməyə davam edəcək
Böyük makroiqtisadi enmələrin kripto bazara mənfi təsirləri dəyişilə bilər. Bu isə sadə dildə desək, daha çox Web3 sosial platformaları və protokolları deməkdir.
- Daha çox itki, daha çox ağrı
“Crypto Critics’ Corner” podkast verilişinin həmtəsisçisi Cas Piancey isə bu fikirdədir ki, sektor ilə bağlı mənfi proseslər sona çatmayıb və bu hal 2023-cü ildə də davam edəcək. O, deyir ki, şirkətlər, banklar və s. ümid edirlər ki, FTX-in müflis olması və CEO-sunu həbs edilməsi ilə bağlı mənfi hallar geridə qalacaq: “İstəyirsiniz xoşunuza gəlsin, istəyirsiniz gəlməsin, amma daha çox ağrı olacaq”.
- Qlobal dünyada bitkoin-ə marağın artması
“Human Rights Foundation”dən Alex Gladstein bildirir ki, dünyada bir sıra kripto ilə məşğul olan sahibkarlar ilə tanış oldum və bu tendensiya 2023-cü ildə də artmağa davam edəcək.
- Kripto, bitkoin, blokçeyndən başqa məsələlərə fokus olmaq
“What Bitcoin Did” podkastının yaradıcısı isə bu fikirdədir ki, bəlkə də 2023-cü ildə kripto, bitkoin, blokçeyndən başqa məsələlərə fokus olmaq lazımdır.
- Web3 daha cəlbedici olacaq
Biz bəlkə görə bildik ki, blokçeyn bizə AI və insan tərəfindən yaradılan kontentin fərqlərini görməyə kömək olacaq.
- 2023-cü ildə NFT-nin inkişafını görə bildik
Növbəti ildə Web3 və Web2 şirkətlərindən NFT investisiyalarını müşahidə edə bilərik və bu trend artıq başlayıb. Bəlkə də, sektor 2023-cü ildə ilk canlanan sahələrdən olacaq.