ABA-nın eksperti Əfqan Baxışov xarici tələbələrlə bank sistemi haqqında müzakirələr aparıb

Qərbi İsveçrə Tətbiqi Elmlər və İncəsənət Universitetinin tərkib hissəsi olan HES – SO Ali idarəetmə və iqtisadiyyat məktəbinin magistratura mərkəzinin direktoru Lukas Başunqun və koordinator Virtz Yuliyanın rəhbərliyi ilə 15 isveçrəli tələbə Azərbaycan Dövlət İqtisad Universitetində (UNEC) təcrübə keçir.

Bu proqram çərçivəsində 29 sentyabr 2022-ci il tarixində Azərbaycan Banklar Assosisasiyasının “Hüquqi məsələlər üzrə Ekspert Qrupu”nun eksperti Əfqan Baxışovun magistr tələbələri ilə görüşü baş tutmuşdur. Görüş zamanı İsveçrə və Azərbaycanın bank sistemi, Azərbaycanın İsveçrə bazarındakı rolu, Azərbaycan-İsveçrə iqtisadi əlaqələri barədə müzakirələr aparılmışdır.