DSMF əməkdaşları Seulda təlimdə iştirak ediblər

“Koreya Respublikası və Şərqi Asiya regionu ölkələrinin pensiya-sığorta sistemləri” mövzusunda təlim keçilib. Seul şəhərində təşkil olunan təlimdə Dövlət Sosial Müdafiə Fondunun əməkdaşları da iştirak ediblər.

Koreyanın Milli Pensiya Xidmətinin Beynəlxalq əməkdaşlıq departamentinin direktoru K.Haejoong təlim çərçivəsində müzakirə ediləcək məsələlərin gələcək fəaliyyət üçün faydalı olacağını vurğulayıb.

Təlimdə Koreyanın pensiya təminatı və sosial sığorta sistemi, əhaliyə göstərilən elektron və proaktiv xidmətlər, könüllü pensiya sığortası sistemi, əhalinin sosial rifahının yaxşılaşdırılması ilə bağlı dövlət proqramları müzakirə olunub.

Təlimdə vətəndaşların pensiya ödənişlərinin etibarlı maliyyə təminatına nail olunması, pensiya ödənişləri üçün nəzərdə tutulan vəsaitin tam yığılmasının və məqsədyönlü istifadəsinin təmin edilməsi, pensiya təminatı sisteminin idarə olunmasını təkmilləşdirməklə onun səmərəliliyinin artırılması mövzularına dair fikir mübadiləsi aparılıb.