25 – 28 mart 2024-cü ildə İspaniyanın Madrid şəhərində “Real Madrid Foundation World Challenge” turniri keçiriləcək. Burada 16 ölkədən uşaq futbol komandaları yarışacaq. ABB-nin baş sponsorluğu ilə turnirdə ilk dəfə Azərbaycan komandası da təmsil olunacaq. Bütün oyunlar “Real Madrid” futbol klubunun Akademiyası ərazisindəki meydançalarda keçiriləcək.
Turnirə qatılacaq bütün komandalar ayrı-ayrı ölkələrdə reallaşdırılmış “Real Madrid Foundation Clinic” proqramı əsasında seçilib. 2023-cü ilin avqustunda bu proqram ölkəmizdə də reallaşdırılıb. ABB-nin baş sponsorluğu, Visa və Epoint şirkətlərinin tərəfdaşlıq dəstəyi ilə həyata keçirilən proqram çərçivəsində “Sabis Sun International School”un ərazisində futbol düşərgəsi təşkil edilib. Ən güclü oyunçular seçilərək “Azerbaijan Footland” komandası formalaşdırılıb.
“Real Madrid Foundation Azerbaijan Clinic” proqramının 2024-ci ilin 24-28 iyun tarixlərində Bakıda yenidən təşkili nəzərdə tutulur.
ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.
