Rabitəbank-da yeni təyinat

Ramil Nasibov Rabitəbank-ın İdarə Heyəti sədrinin müavini vəzifəsinə təyin edilib.

BBN.az banka istinadən xəbər verir ki, 20 ildən artıq bank sektorunda informasiya təhlükəsizliyi sahəsində təcrübəyə malik olan R.Nasibov müxtəlif banklarda İT departamentinin direktor müavini və İT üzrə sahə direktoru vəzifələrində çalışıb.

Ramil Nasibov 2013-2017-ci illərdə “İRS Technology” MMC-də İdarə Heyətinin sədri olub.

2018-ci ilin martından Rabitəbank-da Baş Direktor (İnformasiya Texnologiyaları üzrə) kimi fəaliyyətə başlayan Ramil Nasibov 2021-ci ilin noyabrından yeni təyinatadək İdarə Heyətinin üzvü olub.