ABA-ya üzv bankların və “Ödəniş sistemləri və rəqəmsal bankçılıq üzrə Ekspert Qrupu” nümayəndələrinin iştirakı ilə görüş keçirilmişdir

19 fevral 2021-ci il tarixində Azərbaycan Banklar Asossiasiyasına üzv bankların müvafiq şəxsləri eyni zamanda “Ödəniş sistemləri və rəqəmsal bankçılıq üzrə Ekspert Qrupu” nümayəndələrinin də iştirakı ilə onlayn görüş keçirilmişdir.

Görüşdə Azərbaycan Respublikasının Mərkəzi Bankının “Ödəniş kartlarının emissiyası və istifadə Qaydaları”nda əvvəlcədən ödənilmiş kartların emissiyası və istifadəsinə dair tələbləri müzakirə edilmiş həmçinin digər bankların da “ƏDV Geri Al” layihəsinə qoşulması mövzusunda fikir mübadiləsi aparılmışdır.

Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir.Hazırda 26 bank və 6 qeyri-bank təşkilatı ABA-nın üzvüdür.