ABŞ Federal Ticarət Komissiyası (FTC) Microsoft-a qarşı proqram təminatının lisenziyalaşdırılması və bulud hesablama fəaliyyətləri də daxil olmaqla geniş miqyaslı antiinhisar araşdırmasına başlayıb.
BBN.az xəbər verir ki, bu barədə “CNBC-e“ məlumat yayıb.
Əvvəllər bildirilmişdi ki, FTC Microsoft-un bazardakı səlahiyyətlərindən sui-istifadə etməsi və müştərilərin məlumatlarını Azure bulud xidmətindən rəqib platformalara köçürməsinin qarşısını almaq üçün cəza lisenziyalaşdırma şərtləri tətbiq etməsi ilə bağlı iddiaları araşdırır.
Sentyabr ayında Google bulud xidmətlərində rəqabətə zidd fəaliyyətlər həyata keçirdiyini əsas gətirərək Microsoft-a qarşı Aİ-yə şikayət edib. Google Cloud-un vitse-prezidenti Amit Zaveri açıqlamasında Microsoft-un rəqib bulud hesablama sistemlərində Windows Server istifadə etmək istəyən müştərilərdən 400 faiz daha çox pul istədiyini və Microsoft-un Azure istifadə edildiyi təqdirdə bu qiymətin keçərli olmadığını bildirib.