ABŞ Google-u Chrome-u satmağa məcbur edir

ABŞ Ədliyyə Departamenti texnologiya nəhəngi Google-a qarşı əlamətdar antiinhisar məhkəməsində şirkətdən məşhur Chrome brauzerini satmağa məcbur edilməsini tələb etməyə hazırlaşır. Bu addım həm onlayn axtarış bazarını, həm də sürətlə inkişaf edən süni intellekt sektorunu yenidən formalaşdırmaq potensialına malikdir.

BBN.az xəbər verir ki, Google-un ana şirkəti Alphabet-ə qarşı məhkəmə prosesi ABŞ prezidenti Donald Trampın dövründə başlayıb və prezident Joe Bidenin dövründə də davam edib. Ədliyyə Nazirliyinin tələbləri arasında Google-un axtarış sistemi və süni intellekt layihələri üçün verilənlərin lisenziyalaşdırılması tələbləri də var. Federal hakim Amit Mehta bu tövsiyələri qəbul edərsə, texnologiya sektorunda böyük dəyişikliklər baş verə bilər. Mehta son aylarda Google-un monopoliya olduğuna qərar vermişdi.

ABŞ təxminən 20 il əvvəl oxşar şəkildə Microsoft-u dağıtmağa çalışmışdı, lakin bu cəhd uğursuz olmuşdu . Google işi o vaxtdan bəri bir texnologiya şirkətini cilovlamaq üçün edilən ən aqressiv səydir.