ABŞ Enerji İnformasiya Administrasiyası (EIA) ölkədəki kommersiya xam neft ehtiyatlarının ötən həftə təxminən 9 milyon barel azalaraq 419,8 milyon barelə düşdüyünü açıqlayıb.
BBN.az xəbər verir ki, bazar gözləntiləri təxminən 1,7 milyon barel artım idi.
Kommersiya xam neft ehtiyatlarına daxil olmayan strateji xam neft ehtiyatları 200.000 barel artaraq 415.4 milyon barelə çatıb.
Bu dövrdə ABŞ-ın benzin ehtiyatları təxminən 3,2 milyon barel azalaraq ümumilikdə 255,8 milyon barelə çatıb.
Digər tərəfdən, ölkənin xam neft idxalı ötən həftə əvvəlki həftə ilə müqayisədə gündəlik 281 min barel azalaraq 6 milyon 524 min barelə çatıb, xam neft ixracı isə gündə 851 min barel artaraq 4 milyon 590 min barelə çatıb.
EIA-nın 2026-cı ilin fevral ayına aid Qısamüddətli Enerji Perspektivi hesabatına görə, bu il ABŞ-da orta gündəlik xam neft hasilatının 13,6 milyon barel olacağı gözlənilir
