“Ağıllı kənd təsərrüfatı” mövzusunda beynəlxalq ixtisasartırma kursuna dair elan

1

Kiçik və Orta Biznesin İnkişafı Agentliyi (KOBİA) Almaniyanın Beynəlxalq Əməkdaşlıq Cəmiyyəti (GİZ) ilə birlikdə “Almaniya ilə biznes əməkdaşlığı” Proqramı (“Partnering in Business with Germany”) çərçivəsində 2024-cü il üçün növbəti

MÜSABİQƏ ELAN EDİR

Mövzu: “Ağıllı kənd təsərrüfatı”

Proqramın dili: rus dili

Proqram sahibkarlar, özəl və dövlət şirkətlərinin mütəxəssis və menecerləri üçün nəzərdə tutulur. Proqramın müddəti 7 aydır və aşağıdakı mərhələlərdən ibarətdir:

– Onlayn təlim mərhələsi: 6 həftə;

– Almaniyada təlim və təcrübə: 2 həftə;

– Praktiki icra mərhələsi: 5 ay;

– Şəbəkələşmə tədbiri: 2 gün.

Təlimi uğurla başa vuranlara Almaniya tərəfinin müvafiq sertifikatı təqdim edilir.

Müsabiqədə iştirak etmək istəyən namizədlərdən aşağıda qeyd olunan sənədləri KOBİA-nın training@smb.gov.az e-mail ünvanına (mövzu yerinə “Ağıllı kənd təsərrüfatı” mövzusunda beynəlxalq ixtisasartırma kursu” yazmaqla) göndərmələri xahiş olunur:

– Müraciət forması (Application Form);

– Proqramda iştirakla bağlı şirkət rəhbərliyinin tövsiyə məktubu;

Əlavə məlumatı bu linkdən əldə etmək olar:  https://bit.ly/3U8tVsF

Sənəd qəbulu 10 fevral 2024-cü il tarixinədək davam edəcək.

Əlaqələndirici şəxs: Məlahət Kazımova, (+994 12) 404 04 01 / (+994 55) 200 04 57, training@smb.gov.az.

Qeyd: Proqram Azərbaycan Respublikasının İqtisadiyyat Nazirliyi ilə Almaniyanın Federal İqtisadiyyat və İqlim Mühafizəsi Nazirliyi arasında imzalanmış Anlaşma Memorandumuna uyğun olaraq KOBİA və GİZ tərəfindən birgə həyata keçirilir.