![](https://bbn.az/wp-content/uploads/2024/06/bbn.az_Gold-card_570x90.jpg")
Azərbaycan Mərkəzi Bankının (AMB) sədri Taleh Kazımov Tacikistanın paytaxtı Düşənbədə keçirilmiş Dünya Bankı və Beynəlxalq Valyuta Fondunun (IMF) Seçki Qrupunun toplantısında iştirak edib.
Bunu BBN.az AMB sədrinin “X” sosial şəbəkəsindəki hesabına istinadan xəbər verir.
“İsveçrənin rəhbərlik etdiyi Seçki Qrupunun toplantısında ölkəmizdə uzunmüddətli dayanıqlı inkişafı və rifahı şərtləndirən ardıcıl islahatların həyata keçirilməsindən danışdıq, əsas makroiqtisadi göstəricilər və maliyyə sektorunun inkişaf tendensiyaları ilə bağlı tədbir iştirakçılarına məlumat verdik. Həmçinin COP29 kimi qlobal əhəmiyyətli tədbirə Azərbaycanın ev sahibliyi etməsi və bundan irəli gələn fəaliyyətlərin əhəmiyyətini bir daha vurğuladıq”, – deyə T. Kazımov qeyd edib.
