3 
Azərbaycan Mərkəzi Bankının (AMB) nümayəndə heyəti İsveçrə Milli Bankının (İMB) Bern şəhərində yerləşən baş ofisinə işgüzar səfər edib.
Səfər zamanı strateji planlaşdırma, idarəetmə çərçivələri, layihə portfelinin formalaşdırılması və monitorinqi, eləcə də rəqəmsal transformasiya istiqamətində aparılan təşəbbüslər üzrə geniş müzakirələr aparılıb.
Tərəflər strategiya və layihə idarəetməsi sahəsində mövcud çağırışlar, dəyişikliklərin idarə olunması və tətbiq edilən metodologiyaların müqayisəli təhlilini keçiriblər.
Görüşlər çərçivəsində AMB və İMB arasında strategiya və layihə idarəetməsi üzrə əməkdaşlığın genişləndirilməsi perspektivləri də nəzərdən keçirilib.
