Apple foto redaktə proqramı Pixelmator-u satın aldı

Şəkil redaktə platforması Pixelmator, Apple tərəfindən alındığını açıqladı.

BBN.az xəbər verir ki, fotolardan arzuolunmaz obyektləri silmə xüsusiyyətini süni intellektlə təqdim edən Apple, Pixelmator tətbiqini  satın alaraq şəkil redaktə funksiyasını növbəti səviyyəyə keçirməyi planlaşdırır.

Pixelmator, Apple ilə müqavilə imzaladı və bu mərhələdə iOS üçün Pixelmator Pro, Pixelmator və Photomator tətbiqlərində heç bir əhəmiyyətli dəyişiklik olmayacağını açıqladı. Şirkət gələcəkdə maraqlı yeniləmələrin gələcəyini vurğuladı.

Pixelmator uzun illərdir təqdim etdiyi foto və vizual redaktə həlləri ilə Apple sahiblərinin yaxşı tanıdığı bir şirkətdir. Pixelmator hazırda iOS, MacOS, iPadOS və VisionOS üçün mövcuddur, lakin Android istifadəçiləri üçün bu proqram əlçatmazdır.