![](https://bbn.az/wp-content/uploads/2024/05/Azerbaycan_Kredi_karti_570x90.png)
Səsli köməkçilər arasında ən çox seçilən texnologiya nəhəngi “Apple”ın məşhur köməkçisi “Siri”yə süni intellekt dəstəyi gəlir.
BBN.az xəbər verir ki, Bloomberg texnologiya analitiki Mark Gurman, “Apple Siri-ni canlandırmaq və süni intellektə investisiyalarını sürətləndirmək üçün mühüm addım atmağa hazırlaşır.
“Apple” süni intellektə olan marağa görə ehtiyatsız qalıb və bu mövzuda vaxt itirdiklərini etiraf edib. “Siri-nin süni intellektlə işləyən yeni versiyası gələn il çıxa bilər”- deyə bildirib. Siri 2011-ci ildə Apple-ın səs köməkçisi kimi təqdim edilmişdi. Bununla belə, görünür ki, Siri son illərdə rəqiblərindən geri qalıb və həmçinin bir çox istifadəçi tərəfindən rəqib səsli köməkçilərdən daha az funksional hesab olunur.
Qeyd edək ki, süni intellekt səsli köməkçilər üçün böyük əhəmiyyət kəsb edir. Bu texnologiya sayəsində səsli köməkçilər istifadəçilərin tələblərini daha yaxşı başa düşə, daha ağıllı cavablar verə və daha fərdi təcrübələr təklif edə bilərlər. “Apple” “Siri”nin süni intellekt imkanlarını təkmilləşdirməklə istifadəçi təcrübəsini yaxşılaşdırmağı hədəfləyir. Yeni “Siri”nin isə daha çox təbii dil emal imkanları, daha yaxşı başa düşmə qabiliyyəti, daha sürətli cavab vermə kimi əhəmiyyətli təkmilləşdirmələr təklif edəcəyi gözlənilir.