0 
Avropa Mərkəzi Bankı (ECB) sentyabr iclasında uçot dərəcələrinə toxunmayıb.
BBN.az xəbər verir ki, depozit faizi 2%, əsas yenidən maliyyələşmə faizi 2,15%, marjinal kredit faizi isə 2,40% səviyyəsində sabit qalıb. Qərar iqtisadçıların gözləntilərinə uyğun olub.
ECB açıqlamasında bildirib ki, inflyasiya hələ də orta müddətli 2%-lik hədəf ətrafında qalır və İdarə Heyətinin proqnoz qiymətləndirməsi dəyişməyib.
Yenilənmiş rüblük proqnozlara əsasən:
-
İstehlak qiymətləri 2026-cı ildə 1,7% artacaq (əvvəlki proqnoz: 1,6%),
-
2027-ci ildə isə artım 1,9% olacaq.
Bundan əlavə, ÜDM artımının bu il 1,2%, 2026-cı ildə isə 1% təşkil edəcəyi gözlənilir.
