Sonuncu data nümayiş etdirib ki, Avrozonada inflyasiya azalmaqdadır, baxmayaraq ki, rəqəmlər hələ də Avropa Mərkəzi Bankının (AMB) 2%-lik hədəfindən yüksək olaraq qalır.
BBN.az CNBC Business-ə istinadən xəbər verir ki, dekabrda regionda inflyasiya 9.2% olub, Avrozonada ardıcıl 2-ci aydır ki, qiymətlər enməkdədir.
AMB-nin üzvi, Klaas Knot (Niderland Mərkəzi Bankının rəhbəri) cümə axşamı Davosda keçirilən Dünya İqtisadi Forumunda çıxışında deyib ki, növbəti planlaşdırılan görüşündə 50 baza bəndi artımla kifayətlənməyəcəklər.
Qeyd edək ki, Avropa Mərkəzi Bankı 2022-ci ildə 4 dəfə faiz artımına getmişdi, özünün depozit dərəcəsini isə 2%-ə çatdırmışdı. Dekabrda isə Mərkəzi Bankdan bildirmişdilər ki, yüksək inflyasiya ilə mübarizə aparmaq üçün 2023-cü ildə faiz dərəcələri artımı olacaq.
