Avropa şirkətləri Çin tədarük zəncirlərindən asılılığı azaltmaq üçün səylərini artırır. Bu barədə Çində Avropa İttifaqı Ticarət Palatası Çərşənbə günü açıqlama verib.
Palata bildirir ki, Pekinin “özünə yetərlilik” siyasəti və ixrac nəzarətləri qlobal ticarət qeyri-müəyyənliyini dərinləşdirir. Bu isə Avropa şirkətlərini alternativ tədarük marşrutları və istehsal bazarları axtarmağa vadar edir.
Çin noyabr ayında ticarət kəsirini ilk dəfə 1 trilyon dollar səviyyəsinin üzərinə çıxarıb. Bu, ABŞ tarifləri sonrası Avropa, Avstraliya və Cənub-Şərqi Asiyaya ixracın sürətlə artması ilə müşayiət olunub və davam edən ticarət balanssızlığı ilə diplomatik gərginliyi artırıb.
Qeyd edək ki, Avropa şirkətlərinin təxminən beşdə biri kritik komponentləri Çinindən idxal edir, lakin zəif yuan və davamlı deflyasiya onların xərclərini və strateji planlarını çətinləşdirir. Avropa liderləri bu ticarət balanssızlığı məsələsini Pekinlə dəfələrlə gündəmə gətiriblər.
