Bu il yanvarın 31-nə Avropa Yenidənqurma və İnkişaf Bankı-nın (EBRD) Azərbaycandakı cari kredit portfeli 895 milyon avro təşkil edib.
Bankın məlumatına görə, portfelin 40 %-i özəl sektorun payına düşür. Hazırda Azərbaycanda EBRD-nin 36 layihəsi aktivdir. Təkcə 2025-ci ildə bank 81 milyon avro dəyərində 10 layihəni maliyyələşdirib.
Dekabrın 31-nə olan göstərici ilə müqayisədə portfelin həcmi 1,21 % və ya 11 milyon avro azalıb.
EBRD-nin açıqlamasına əsasən, cari portfelin 90 %-i və ya 803 milyon avrosu dayanıqlı infrastrukturun inkişafına, 7 %-i və ya 62 milyon avrosu maliyyə institutlarına, 3 %-i və ya 30 milyon avrosu isə korporativ sektora yönəldilib.
Ümumilikdə, EBRD Azərbaycanda 201 layihənin icrasına 3,612 milyard avro investisiya yatırıb.
Bankın ölkədəki əməliyyat aktivlərinin dəyəri yanvarın 31-nə 686 milyon avro olub ki, bu da dekabrın 31-i ilə müqayisədə 1,29 % və ya 9 milyon avro azdır.
Qeyd edək ki, 2024-cü ildə EBRD Azərbaycanda 8 layihənin maliyyələşdirilməsi üçün ümumilikdə 199 milyon avro kredit ayırıb. Bu isə əvvəlki illə müqayisədə 27,56 % və ya 43 milyon avro çoxdur.
