Avropanın bu populyar ölkəsi yanvarın 1-dən avrodan istifadə edir

Avropanın ən populyar yay istiqamətlərindən biri olan Xorvatiya 2023-cü il yanvarın 1-dən etibarən özünün tarixi pul vahidi kunanı avro ilə əvəz edib. Bu isə onun Avrozonaya daxil olan 20-ci ölkə olması ilə bağlıdır, nəticədə vahid pul vahidindən istifadə edən Avropa ölkələrindən biri olub.

BBN.az CNN Business-ə istinadən xəbər verir ki, Avropa Komissiyasının məlumatında deyilib ki, avro əskinasları və sikkələri ölkənin bankomatlarının 70%-də artıq dövriyyə etməkdədir. Kuna əvəzinə avrodan istifadə edilməkdədir. Qalanı isə yanvarın 15-ə kimi davam edəcək.

Bildirilib ki, köhnə pul vahidində olan vəsaitlərinizi avroya iyunun 30-dək Xorvatiyanın istənilən poçt mərkəzlərində və 2023-cü ilin sonunadək ölkənin istənilən bankında dəyişə bilərsiniz.

Kuna yanvarın 15-dək istifadə ediləcək, həmçinin kuna ilə ödəniş edən şəxsin vəsaiti avro ilə qarşılığını alacaq. 7.53450 kuna isə 1 avroya dəyişdiriləcək. Avropa Mərkəzi Bankının prezidenti Christine Lagarde isə deyib ki, “Xorvatiya avro zonasının 20-ci üzvi (Avropa İttifaqının 28-ci üzvidir, vahid pul vahidi avrodan istifadə edən isə 20-ci ölkədir-red.) olması ilə bağlı çox çalışdı və buna nail oldu. Mən bütün Xorvatiya insanlarını təbrik edirəm”, – deyə o, açıqlamasında bildirib.

Qeyd edək ki, eyni zamanda Xorvatiya yanvarın 1-dən etibarən Şengen ərazisinə daxil olub. Nəticədə 420 milyondan çox Avropa vətəndaşları sərhəd olmadan blok daxilində maneəsiz səyahət edə biləcəklər.