Böyük Britaniya mərkəzli ATM operatoru olan “Link” son araşdırmasında Avropa ölkələrinin nağdsız iqtisadiyyat istiqamətində irəliləyişlərini qeydə alıb. Araşdırma əsas beş faktor üzərindən aparılıb
- Debit kartlardan istifadə edənlərin ümumi əhaliyə nisbəti
- İstehlakçıların nağdsız ödənişlərə meyillilik dərəcəsi
- Təmassız ödəniş tranzaksiyaları
- Hər 100 min nəfərə düşən ATM sayı
- İqtisadiyyatın rəqəmsallaşmağa hazırlıq səviyyəsi
Araşdırmanın nəticələrinə əsasən, Avropanın ən qabaqcıl nağdsız iqtisadiyyatı Niderland olub. Belə ki, əhalinin 99%-inin debit karta sahib olduğu bu ölkədə ödəniş tranzaksiyalarının yarısından çoxu təmassız olaraq həyata keçirilib. Həmçinin, Niderland Avropada hər 100 min nəfərə düşən bankomat sayının azlığına görə və rəqəmsallaşmağa hazırlıq səviyyəsinə görə lider pillədə qərarlaşıb.
Təmassız ödənişlərə ayrılıqda nəzər saldıqda isə, Avropa ölkələri arasında Çexiyanın 93% ilə ilk, Belçikanın isə 4% ilə sonuncu pillədə qərarlaşdığını görə bilərik.
Araşdırmanın yekun nəticələrinə aşağıdakı infoqrafiklərdən nəzər sala bilərsiniz.
Məlumat üçün qeyd edək ki, koronavirus pandemiyası səbəbindən son bir neçə ayda Avropada nağd puldan istifadə yarıya enib.