![](https://bbn.az/wp-content/uploads/2024/06/bbn.az_Gold-card_570x90.jpg")
15 iyul 2020-ci il tarixində Azərbaycan Banklar Assosiasiyasının (ABA) Rəyasət Heyətinin növbəti iclası keçirilmişdir.
İclas gündəliyində duran əsas məsələlər sırasında hazırkı şəraitdə banklarda kibertəhlükəsizlik məsələləri, ABA-nın 2-ci rüb ərzində gördüyü işlər, bank sektorunun cari vəziyyəti və digər məsələlər yer almışdır.
İclas zamanı qlobal müstəvidə yaranmış vəziyyətlə əlaqədar maliyyə-bank sektorunun mövcud vəziyyəti həmçinin gündəlikdə yer alan cari məsələlərlə bağlı fikir mübadiləsi aparılmış, görülən işlərlə bağlı hesabat dinlənilmişdir.
Qeyd edək ki, ABA 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını təmsil etmək, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 29 bank və 4 qeyri-bank təşkilatı ABA-nın üzvüdür.
