Azərbaycanda biznes kreditlərinin əsas hissəsi ticarət, kənd təsərrüfatı və informasiya-rabitə sahələrinə yönəlib.
BBN.az xəbər verir ki, bu barədə Mərkəzi Bankın 2025-ci ilin ilk yarısına dair hesabatında qeyd olunub.
Sənədə əsasən, hesabat dövründə biznes kreditləri üzrə artım daha çox informasiya və rabitə, kənd təsərrüfatı və nəqliyyat sahələrində müşahidə edilib.
Belə ki, 2025-ci ilin iyun ayının sonuna biznes kreditləri portfeli illik müqayisədə 9,1% (1,27 mlrd. manat) artaraq 15,14 mlrd. manata çatıb.
Qeyri-istehsalat və xidmət sahələrində 326 mln. manat (14,4%), kənd təsərrüfatında 269 mln. manat (17,4%), ticarət müəssisələrində isə 249 mln. manat (6,2%) artım qeydə alınıb.
Ümumilikdə, biznes kreditləri portfelində ən böyük pay ticarət müəssisələrinə məxsusdur – bu sahəyə verilmiş kreditlərin həcmi ümumi portfelin 28,1%-ni (4,25 mlrd. manat) təşkil edir.
