Azərbaycan Mərkəzi Bankı (AMB) və Beynəlxalq Valyuta Fondu (IMF) arasında ölkədəki makroiqtisadi vəziyyətə dair müzakirələr aparılıb.
BBN.az xəbər verir ki, bu barədə AMB məlumat yayıb.
Məlumata görə, qurumun sədri Taleh Kazımov Fondun Azərbaycan üzrə missiya rəhbəri Anna Bordon və ölkəmizin də daxil olduğu Seçki Qrupu üzrə icraçı direktoru Patrik Loşevskinin başçılıq etdiyi nümayəndə heyəti ilə görüş keçirib.
Görüş çərçivəsində inflyasiyaya təsir edən əsas amillər, pul siyasətinin ötürücülüyünün gücləndirilməsi, eləcə də pul siyasəti çərçivəsinin təkmilləşdirilməsi məsələləri müzakirə olunub.
Tərəflər həmçinin mövcud əməkdaşlığın vəziyyəti və onun gələcəkdə genişləndirilməsi perspektivləri ətrafında fikir mübadiləsi aparıblar.