Azərbaycan nefti ötən həftə 2,5 dollar bahalaşıb

Ötən həftə ərzində (16-20 oktyabr) dünya bazarlarında “Azeri Light” (CIF) markalı neftin 1 barrelinin orta qiyməti 95,818 dollarına bərabər olub ki, bu da əvvəlki həftənin orta qiyməti ilə müqayisədə 2,51 dollar və ya 2,69% çoxdur.

BBN.az-ın məlumatına görə həftə ərzində ən yüksək göstərici (V gün) – 97,68 dollar təşkil edib, ən minimal göstərici (II gün) isə 94,28 dollar səviyyəsində olub.

Qeyd edək ki, 2022-ci ildə “Azeri Light” (CIF) markalı neftin bir barrelinin orta satış qiyməti 103,58 ABŞ dolları təşkil edib. 2021-ci ilin göstəricisi ilə müqayisədə ötən il “Azeri Light” nefti 44,6% bahalaşıb.