Azərbaycan Respublikasının Mərkəzi Bankı və “Xəzinədarlıq və Fondların İdarə Olunması üzrə” Ekspert Qrupu arasında onlayn görüş keçirilib

12 iyun 2024-cü il tarixində Azərbaycan Respublikasının Mərkəzi Bankı və “Xəzinədarlıq və Fondların İdarə Olunması üzrə” Ekspert Qrupu arasında onlayn görüş keçirilmişdir.

Görüşdə “Xəzinədarlıq və Fondların İdarə Olunması üzrə”  Ekspert Qrupunun sədri Hikmət Cəfərov, üzv bankların rəhbər şəxslərindən ibarət olan qrup üzvləri və Azərbaycan Respublikasının Mərkəzi Bankının müvafiq rəhbər nümayəndələri iştirak etmişdir.

Görüş zamanı sekyuritizasiya fəaliyyəti üzrə hüquqi çərçivənin yaradılması məqsədilə, Azərbaycan Respublikasının Mərkəzi Bankı tərəfindən “Qiymətli kağızlar bazarı haqqında” və “Banklar haqqında” Azərbaycan Respublikasının qanunlarına edilən müvafiq dəyişikliklər müzakirə olunmuşdur.

Əlavə edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda, 24 bank və 6 qeyri-bank kredit təşkilatı ABA-nın üzvüdür.