2 
Azərbaycanın rəqəmsal inkişaf və nəqliyyat naziri Rəşad Nəbiyev ABŞ-a səfəri zamanı “Advanced Micro Devices” (AMD) şirkətinin baş vitse-prezidenti Devid Vanq ilə görüşüb.
Nazirin “X” sosial şəbəkəsində paylaşdığı məlumata görə, görüşdə Azərbaycanın süni intellekt sahəsində potensialının genişləndirilməsi və regional rəqəmsal mərkəzə çevrilməsi imkanları müzakirə olunub. Tərəflər həmçinin AMD ilə birgə süni intellekt mərkəzlərinin yaradılması, tədqiqat və təhsil layihələri, uzunmüddətli strateji əməkdaşlıq və investisiya imkanları barədə fikir mübadiləsi aparıblar.
Bu əməkdaşlıq Azərbaycanın rəqəmsal sahədə inkişafına yeni təkan verəcək və regionda süni intellekt texnologiyalarının tətbiqini genişləndirmək məqsədi daşıyır.
