0 
2023-ci ilin yanvar-aprel aylarında gömrük xətti ilə büdcə daxilolmaları əvvəlki ilin müvafiq dövrü ilə müqayisədə 24.7% artaraq 2 milyard 46,681 milyon manata çatıb.
Dövlət Gömrük Komitəsindən bildirilib ki, gömrük rüsumları üzrə daxilolmalar 496 milyon 589.2 min manat (ötən ilin eyni dövrünə nisbətən 21% çox), əlavə dəyər vergisi (ƏDV) üzrə daxilolmalar 1 milyard 470,864 milyon manat (25.2% çox), aksizlər üzrə daxilolmalar 62.297 milyon manat (56.2% çox), yol vergisi üzrə daxilolmalar isə 17.030 milyon manat (1.5 % çox) təşkil edib.
