Bu il avqustun 1-nə Azərbaycanda vaxtı keçmiş kreditlərin məbləği 494,7 milyon manat təşkil edib. Bu, iyulun 1-i ilə müqayisədə 1,5% azdır.
BBN.az bu barədə Azərbaycan Mərkəzi Bankının iyul ayı hesabatına istinadən xəbər verir.
Ölkədə problemli kreditlərin məbləği ilin əvvəlinə nisbətən 16,7%, son 1 ildə isə 25,3% azalıb. Bu il iyulun sonuna vaxtı keçmiş kreditlərin ümumi kredit portfelində xüsusi çəkisi 2,2% təşkil edib. Bu nisbət iyunun sonuna 2,3%, ötən ilin sonuna 2,9%, ötən il iyunun sonuna isə 3,5% olub.