Azərbaycanın bank sektoru bu ilin yanvar-may aylarında 519,7 milyon manat xalis mənfəət əldə edib.
BBN.az Azərbaycan Mərkəzi Bankına (AMB) istinadən xəbər verir ki, bu, 2023-cü ilin eyni dövrü ilə müqayisədə 18,9% çoxdur.
Yanvar-may ayları ərzində bankların əməliyyat gəlirləri 2 300,9 milyon manat (ötən ilin eyni dövrünə nisbətən 23,3% çox), əməliyyat xərcləri 1 542,9 milyon manat (29% çox), xüsusi ehtiyatlara ayırmaları 133,1 milyon manat (4,1% çox), digər gəlirləri 2,3 milyon manat (5,8 dəfə çox), mənfəət vergisi ödəmələri isə 107,4 milyon manat (1,2% çox) təşkil edib.
Bu il iyunun 1-nə Azərbaycanın bank sektorunun aktivləri 49 milyard 147,5 milyon manat təşkil edib. Bu, ötən il iyunun 1-i ilə müqayisədə 7% çoxdur.