BBN.az xəbər verir ki, bunu AZEL Systems şirkətinin baş direktoru İqor Yakovenko “Ansys: Azərbaycanda rəqəmsal layihələndirmə və innovativ həllər” mövzusunda keçirilən konfransda deyib.
Onun sözlərinə görə, keçirilən konfrans iki ölkə arasında formalaşmış strateji tərəfdaşlığın mühüm tərkib hissəsidir.
“Bugünkü konfrans bu tərəfdaşlığın kiçik, lakin mühüm elementlərindən biridir. Ümid edirəm ki, bunun sayəsində ABŞ texnologiyaları Azərbaycan iqtisadiyyatı üçün daha əlçatan olacaq. Bu isə hər iki ölkəyə – həm ABŞ-yə, həm də Azərbaycana fayda verəcək”, – deyə o bildirib.
Baş direktor qeyd edib ki, AZEL Systems artıq bir neçə onillikdir Amerika Ticarət Palatasının üzvüdür.
İ. Yakovenko əlavə edib ki, şirkət SOCAR Downstream ilə birgə Ümumdünya Neft Emalı Assosiasiyasına rəqəmsallaşdırma layihəsi təqdim edib və layihə ötən ilin 18 noyabr tarixində ən yaxşı layihə seçilib.
Onun sözlərinə görə, şirkət ERP sistemlərinin tətbiqi üzrə mürəkkəb layihələr həyata keçirir, mühəndislik üçün İT həllər təqdim edir və sistem inteqrasiyası sahəsində fəaliyyət göstərir.
“Bu isə bizə rəqəmsallaşdırma, informasiyalaşdırma və digər istiqamətlərdə kompleks ‘açar təhvili’ həllər təklif etməyə imkan verir”, – deyə baş direktor vurğulayıb.
Mənbə: Report.az
