1 
Azərbaycanda kredit portfelinin əsas hissəsi kommersiya banklarının payına düşür.
Hazırda ölkə üzrə ümumi kredit portfeli 31 milyard manatdan çoxdur. Bu portfelin 70,1 faizi kommersiya banklarının payına düşür ki, bu da 21 milyard 842 milyon manat həcmində kredit deməkdir.
Məlumata görə, ümumi kredit portfelinin 24,3 faizi dövlət bankları tərəfindən formalaşdırılıb. Bu göstərici 7 milyard 561 milyon manat təşkil edir.
Qeyri-bank kredit təşkilatlarının kredit portfelindəki payı isə 5,7 faiz olub. Sözügedən qurumlar tərəfindən verilən kreditlərin həcmi 1 milyard 765 milyon manat səviyyəsindədir.
