19 iyun tarixində prezident Lukaşenkonun uçot dərəcəsinin azaldılması tələbinə Mərkəzi Bankdan cavab gəlib. Belə ki, Belarus Mərkəzi Bankı 1 iyul tarixində uçot dərəcəsinin 8%-dən 7.75%-ə endiriləcəyini açıqlayıb. Faiz dəhlizinin yuxarı həddi 9%-dən 8.75%-ə, aşağı həddi isə 7%-dən 6.75%-ə endirilir.
Qeyd edək ki, ölkədə koronavirus pandemiyasının yayılması ilə yüksəlməyə başlayan inflyasiyanın qarşısının alınması üçün ilin əvvəlindən bu yana Mərkəzi Bank iki dəfə faiz endiriminə gedib. Nəticədə, aprel ayında qeydə alınan 5.4%-lik inflyasiya göstəricisi may ayında 4.9% səviyyəsinə geriləyib. İllik inflyasiya göstəricisi isə aprel ayına nəzərən 0.6% azalaraq 3.9% səviyyəsində qərarlaşıb. Proqnozlar isə cari il üçün inflyasiyanın 5%-i keçməyəcəyi yönündədir.