Azərbaycanda kiçik emitentlər üçün listinq tələblərinin sadələşdirilməsi məsələsi gündəmdədir.
Bu barədə “Bakı Fond Birjası” QSC-nin (BFB) İdarə Heyətinin üzvü Oqtay Qasımov məlumat verib.
Onun sözlərinə görə, kiçik emitentlər üçün ayrıca listinq seqmentinin yaradılması nəzərdə tutulur və məsələ artıq təsdiq mərhələsinə yaxındır:
“Kiçik emitentlər üçün ayrıca seqmentin yaradılması planlaşdırılır. Layihə tərəfimizdən hazırlanıb və Azərbaycan Mərkəzi Bankı ilə ilkin müzakirələr aparılıb. Tənzimləyici qurumun bununla bağlı bir sıra tövsiyələri olub və həmin təkliflər də nəzərə alınacaq”, – deyə O.Qasımov bildirib.
Qeyd edək ki, təşəbbüsün əsas məqsədi kiçik və orta həcmli şirkətlərin kapital bazarlarına çıxışını asanlaşdırmaq və listinq prosesini daha əlçatan etməkdir.
