Birləşmiş Millətlər Təşkilatı humanitar yardımlar üçün rekord həcmdə, 51.5 milyard dollar axtarır

Birləşmiş Millətlər Təşkilatı (UN) 2023-cü ildə humanitar yardımlar üçün rekord həcmdə, 51.5 milyard dollar axtarır, bu isə təşkilatın tarixində ən yüksək rəqəm hesab edilir. 

BBN.az DW News TV proqramına istinadən xəbər verir ki, vəsaitin bir çox böhranlar üçün istifadə edilməsi nəzərdə tutulur, bura davam edən Ukrayna müharibəsinin fəsadlarını aradan qaldırmaq və s. daxildir. 

UN-dən bildirilib ki, 2023-cü ildə 339 milyon insanın humanitar yardıma ehtiyacı olacaq, bu isə ümumi dünya əhalisinin 4%-dən çoxu deməkdir. UN-nin koordinatoru Martin Griffiths açıqlamasında deyib ki, təşkilatın maliyyələşdirilməsində bir problem yoxdur, sadəcə olaraq humanitar yardıma ehtiyacı olan insanların sayı artıb: “Ukrayna müharibəsi, COVID, iqlim dəyişikliyinin fəsadları” və s. bura daxildir”. 

Martin Griffiths qeyd edib ki, o ümid edir ki, 2023-cü il birlik ili olacaq, çünki 2022-ci il əziyyət ili olub.