Bu gün Dünya İqtisadi Forumu başlayır – Avropa bazarları yüksəliş əldə edib

Bu gün, İsveçrə, Davosda yanvarın 16-dan 20-dək qütbləşmiş dünyada əməkdaşlığın rolunu müzakirə etmək üçün Dünya İqtisadi Forumu baş tutur.

BBN.az CNBC Business-ə istinadən xəbər verir ki, Asiya-Sakit okean bazarlarında yüksəlişin əldə edilməsi Avropa bazarlarına da təsir edib və səhm bazarı daha yüksək açılıb. Ötən həftə ABŞ-da inflyasiya data-ların aşağı olmasını göstərən nəticələr isə investorlar üçün yaxşı xəbər hesab edilir.

Bu həftə Davosda keçiriləcək Dünya İqtisadi Forumu Avropa bazarları üçün diqqət mərkəzində olacaq. Avropanın mərkəzində yerləşən bu şəhərdə ölkələrin rəhbərləri, biznes liderləri, akademik, innovatorlar bir araya gələcək. Forum-un gündəliyində Ukrayna müharibəsinin müzakirəsi, iqtisadi qeyri-müəyyənliyin davam etməsi və iqlim dəyişikliyi və s. olacaq.

Bir çox liderlər isə ölkələrində inflyasiyanın davam etməsi fonunda Forumda iştirak etməyəcəklər. Lakin Almaniyanın kansleri Olaf Scholz isə G7-yə daxil olan ölkələr sırasında bu il Forumda iştirak edəcək ilk lider olacaq.