“Chevron” öz işçilərini evakuasiya edib

ABŞ mərkəzli beynəlxalq neft nəhəngi “Chevron” Şimali İraqda olan neft yataqlarından öz işçilərini evakuasiya edib. Evakuasiya edilən işçilərin böyük əksəriyyəti ABŞ vətəndaşları və podratçılar olub.

Qərarın verilməsində əsas nəzərə alınan faktor İranın hərbi lideri Qasım Süleymaninin öldürülməsindən sonra ABŞ-İraq münasibətlərinin mənfiyə doğru getməsidir. Şirkət işçilərin təhlükəsizliyini təmin etmək məqsədilə bu addımın atılmasının zəruriliyini vurğulayıb.

Digər tərəfdən isə, qlobal şirkətlərin əksəriyyəti İraqdakı neft yataqlarında fəaliyyətlərini davam etdirir. “BP” və “Shell” şirkətləri bu barədə mətbuata açıqlama verməsələr də, “Exxon Mobil” şirkəti işçiləri, avadanlıqları və əməliyyatlarının təhlükəsizliyini təmin etmək üçün xüsusi planı olduğunu və vəziyyəti çox yaxından izlədiyini bildirib.