Çin şirkətləri işçilərini süni intellektlə əvəz etməyə başlayıb.
BBN.az xəbər veri ki, Çində işdən çıxarılan əməkdaşların yerinə onların rəqəmsal əvəzediciləri yaradılmağa başlanıb.
Bildirilir ki, işçilər süni intellekt agenti vasitəsilə əvəz olunur. Bu sistem işgüzar yazışmalar, mesajların ekran görüntüləri, layihə materialları və konkret şəxsin sənədləri əsasında öyrədilir. Nəticədə yaradılan süni intellekt modeli həmin şəxsin ünsiyyət tərzini belə təqlid edə bilir.
Eyni zamanda, süni intellektin geniş tətbiqi fonunda ABŞ texnologiya şirkətləri də kütləvi ixtisarlara gedir. Təkcə mart ayında bu sektorda 18 720 iş yeri ixtisar edilib ki, bu da ötən ilin eyni dövrü ilə müqayisədə 24 faiz çoxdur. Ümumilikdə isə ilin əvvəlindən bəri texnologiya sektorunda işdən çıxarılanların sayı 52 mini keçib.
