Çinin sərhədləri açması neftə tələb ilə bağlı optimist ab-hava yaradıb – qiymətlər yüksəlib

Bazar ertəsi günü dünya bazarında xam neftin qiymətləri 1%-dən çox yüksəlib. Bu isə Çinin sərhədləri açmasından sonra neftə tələb ilə bağlı optimist ab-havadan dolayı baş verib və qlobal tənəzzül qorxularını azaldıb. 

BBN.az Bloomberg-ə istinadən xəbər verir ki, Brent xam neftinin qiyməti 1 barrelinə görə 1.08 dollar, yaxud 1.4% yüksəlib və 79.65 dollara çatıb. ABŞ Qərb Texas xam neftinin qiyməti isə 86 sent, yaxud 1.2% artıb və 74.63 dollara ticarət edilib. 

Qeyd edək ki, həftə sonu Çin sərhədlərini Covid-19 dalğasından bu yana, yəni son 3 ildə ilk dəfə açdı.