CNBC: Çindəki vəziyyət qlobal iqtisadiyyat üzərində təzyiq yaradacaq

Çində baş verən iqtisadi çətinliklər son 2 ildə ilk dəfə deflyasiyanın baş verməsinə səbəb olub. İqtisadçılar isə bu fikirdədirlər ki, belə bir mənzərə qlobal iqtisadiyyat üzərində təzyiq yaradacaq. Xüsusilə də mənfi nəticələri 2023-cü ilin növbəti rübündə müşahidə edəcəyik. 

BBN.az CNBC-ə istinadən xəbər verir ki, iyulda Çində illik istehlakçı qiymət indeksi 0.3% aşağı enib. 

Ölkədə son vəziyyət ilə bağlı iqtisadi statistika gözləntilər ilə üst-üstə düşməyib və Statistika Komitəsindən bildirilir ki, gənclər arasında işsizlik rekord yüksək rəqəmə çatıb.  

Qeyd edək ki, iqtisadçılar bu fikirdədir ki, Çin iqtisadiyyatının azalması qısamüddətli dövr üçün Qərb Mərkəzi Banklarına inflyasiya ilə mübarizə və faiz artımları baxımından faydalıdır.