“Couchbase” müasir verilənlər bazasının (database) idarə edilməsi” adlı vebinar keçirilmişdir

Azərbaycan Banklar Assosiasiyası (ABA) bank əməkdaşlarının peşəkarlıq səviyyəsinin yüksəldilməsi, bilik və bacarıqlarının daim inkişaf etdirilməsi üçün müxtəlif təlim proqramları və layihələr həyata keçirir, eyni zamanda əhalinin maliyyə savadlılığının artırılmasına müvafiq layihələrlə daima dəstək verir.

Bu cür tədbirlərin davamı olaraq, 27 may 2021-ci il tarixində “Couchbase” müasir verilənlər bazasının (database) idarə edilməsi” adlı vebinar keçirilmişdir.

Vebinar iştirakçılar tərəfindən böyük marağa səbəb olub, sonda mövzu üzrə müzakirələr aparılmış və iştirakçıların sualları cavablandırılmışdır.

Qeyd edək ki, “Couchbase” şirkəti NoSQL verilənlər bazaları üzrə dünya liderlərindən biri sayılır və “Visa”, “PayPal”, “American Exspress”, “Marriott”, “Citibank”, “Wells Fargo”, “Revolut”, “AXA” və digər tanınmış şirkətlərə xidmət göstərir.