Dövlət Vergi Xidməti xətti ilə bu ilin yanvar ayında dövlət büdcəsinə 2 milyard 50,3 milyon manat vəsait daxil olub.
Bu barədə qurum məlumat yayıb. Bildirilir ki, daxilolmalar ötən ilin eyni dövrü ilə müqayisədə 9,3 % az, proqnozla müqayisədə isə 2,5 % çox olub.
Hesabata əsasən, ötən ay vergi daxilolmalarının 1 milyard 467,1 milyon manatı qeyri-neft-qaz sektorunun payına düşüb. Bu göstərici illik müqayisədə 6,5 %, proqnozla müqayisədə isə 2,95 % çoxdur.
Xatırladaq ki, 2026-cı il üzrə Dövlət Vergi Xidmətinin dövlət büdcəsinə köçürməli olduğu vəsaitin həcmi 16,91 milyard manat təşkil edir.