Çin bir sıra iqtisadi çətinliklər ilə üz-üzədir. Bu isə pandemiyadan sonra ölkənin özünün iqtisadi vəziyyətini yaxşılaşdırmaq ilə bağlı səylərini sual altına qoyur.
BBN.az BBC Business-ə istinadən xəbər verir ki, ötən həftənin əvvəlində açıqlanan rəsmi rəqəmlərə əsasən iyulda bir öncəki illə müqayisədə ixrac gözləniləndən daha çox 14.5% enib. İdxaldan söz düşmüşkən bu rəqəm isə 12.4% azalıb.
Eyni zamanda rəsmi rəqəmlər göstərir ki, gənclər arasında işsizlik rekord yüksək səviyyədədir. 2023-cü ildə 11.58 milyon universitet məzunu gənc Çinin əmək bazarına daxil olacaq. Bu isə vəziyyəti daha da çətinləşdirir.